Cəmİyyət

“Futbolumuzu sahibkarlar xilas edəcək” – DEPUTATDAN TƏKLİF

“Futbolumuzu sahibkarlar xilas edəcək” – DEPUTATDAN TƏKLİF
 

"Futbola özəl sektor cəlb olyunmalıdır”.


Sfera.az-a açıqlamasında bu sözləri Azərbaycanın futbol üzrə milli komandasının hələ də axsamaqda davam edərək növbəti dəfə Slovakiya millisinə 1-5 hesabı ilə uduzmasına münasibət bildirərkən Milli Məclisin deputatı Fazil Mustafa deyib.


Deputatın fikrincə, yalnız sahibkarların prosesə cəlb olunması Azərbaycan futbolunu düşdüyü biabırçılıqdan xilas edə bilər:


"Azərbaycanda futbola daha çox biznes sahəsi kimi diqqət yetirmək lazımdır. Həmçinin, elə etməliyik ki, iş adamları həvəslə bu prosesə cəlb olunsunlar. İkinci bir tərəfdən, bölgələrdə futbolun inkişafına xüsusi önəm verilməlidir. Bölgələrin heç bir komandası ölkə çempionatının yüksək liqasında iştirak etmir. Belə baxanda elə təsəvvür yaranır ki, əslində keçirilən Bakı çempionatıdır. Faktiki olaraq "Qarabağ” klubu da Bakı komandası kimi fəaliyyət göstərir. Ona görə də Azərbaycan futbolunda yaranmış vəziyyət çox ciddi problemdir və narahatedici məsələdir. Ərazimiz böyük olmasa da, hələ də futbolu əsaslı şəkildə bölgələrə yaya bilməmişik. Lənkəran kimi yer futbola həsrətdir”.


F. Mustafa millimizin belə ağır məğlubiyyətlərə düçar olacağını gözləyidiyini də gizlətməyib: "Azərbaycanın futbol millisinin əldə etdiyi nəticələr gözlənilən idi. Həmin səbəbdən də burada təəccüblənməli bir şey yoxdur. Millimizin belə rüsvayçı nəticələrə imza atması nə məşqçidən, nə rəhbərlik, nə də başqalarından asılı deyil. Ölkədə sahibkarlıq real olaraq inkişaf etsə,futbol sahəsində də inkişafa nail ola biləcəyik. Bu sahəyə özəl sektor cəlb olunmalı, ora pul yatırılmalıdır. "Bakı” futbol klubunun gözəl meydançası vardı, onu darmadağın etdilər. Uşaqlarımızın bu prosesə cəlb olunması üçün meydançalar lazımdır. İdmanın demək olar ki, bütün sahələrində belə bir axsama var. Birinci dəstədə oynayan futbolçuya ayda 300 manat verilirsə, bir oyunu satmaqla 2 min manat qazanırsa, onun nəyinə lazımdır, komandasının qələbə qazanması”.


 

Elçin

XƏBƏR LENTİ

«    İyun 2019    »
B.eÇ.aÇC.aC.Ş.B
 12
3456789
10111213141516
17181920212223
24252627282930