İqtİsadİyyat

Dollar alışı kəskin azalıb – Aylar üzrə statistika açıqlandı

Dollar alışı kəskin azalıb – Aylar üzrə statistika açıqlandı

Bu ilin mart ayında dollara artan kəskin tələbdən sonra dollar alışında sürətli azalma müşahidə edilir.


 

Sfera.az-ın məlumatına görə, Mərkəzi Bankın açıqlamasına əsasən, mayda banklardan nağd şəkildə alınan dolların məbləği mart ayına nisbətən 5,1 dəfədən çox azalıb.


 

Martda banklardan nağd şəkildə 1 milyard 163 milyon dollar alınmışdı. Nağd dollar alışı apreldə 304 milyona, mayda 228 milyona enib.

 

 

Mayda dollarla bərabər Azərbaycanda tələb böyük olan digər xarici valyutaların nağd alışında da azalma var. Mart ayı ilə müqayisədə ingilis funt sterlinqinin alışı 6 dəfə azalaraq 540 minə, avro alışı 1,23 dəfə azalaraq 16 milyona, rus rublunun alışı 2,56 dəfə azalaraq 168 milyona enib.

 

 

Nağd valyuta satışında isə aprelə nisbətən artım var. May ayında aprellə müqayisədə bütün xarici valyutaların nağd satışı artıb. Dollar satışı 1,7 dəfə artaraq 71,2 milyona, funt sterlinq satışı 1,2 dəfə artaraq 189 minə, avro satışı 1,2 dəfə artaraq 4,73 milyona, rubl satışı 1,6 dəfə artaraq 874 milyona yüksəlib.

Mövcud vəziyyətin yaratdığı dinamika göstərir ki, oxşar dəyişikliklər iyunda da davam edib.

 

Vasif

XƏBƏR LENTİ

«    İyul 2020    »
B.eÇ.aÇC.aC.Ş.B
 12345
6789101112
13141516171819
20212223242526
2728293031