Sİyasət

Dövlət Dumasının deputatı: “Rusiya və Azərbaycan əməkdaşlığı inkişaf etdirəcək”

Dövlət Dumasının deputatı: “Rusiya və Azərbaycan əməkdaşlığı inkişaf etdirəcək”
 "Qardaş Azərbaycan xalqını, Azərbaycan Prezidenti İlham Əliyevi və ailəsini Respublika Günü münasibətilə təbrik edirəm. Bu gün Azərbaycan bayramı postsovet məkanında ən uğurlu iqtisadiyyata malik ölkələrdən biri kimi qarşılayır”.

Sfera.az xəbər verir ki, bunu Rusiya ilə Azərbaycan arasında əlaqələrin inkişaf perspektivlərinə dair onlayn formatda keçirilən mətbuat konfransında Dövlət Dumasının Beynəlxalq işlər komitəsinin sədri Leonid Slutski deyib.

Onun sözlərinə görə, Rusiya ilə Azərbaycan beynəlxalq platformalarda uğurla əməkdaşlıq edir və bir-birini dəstəkləyir: "Dövlət Duması ilə Milli Məclis arasında mövcud olan münasibətlərdən məmnunam. Bütün beynəlxalq platformalarda səmərəli əməkdaşlıq edirik və gələcəkdə də bu əməkdaşlığı davam etdirəcəyik”.

"Bu gün Azərbaycan bütün region ölkələrinin, o cümlədən Rusiya Federasiyasının karbohidrogen istehsalı və tədarükü sahəsində işləmək və əməkdaşlığı uğurla inkişaf etdirmək istədiyi ölkədir. Azərbaycan təkcə rusiyalıları üçün yox, həm də postsovet məkanından gələnlər üçün turizm mərkəzidir. Kurortlar yaxşı inkişaf edir. Əlbəttə, koronavirus pandemiyası turizm sənayesini yavaşlatdı, amma turistlərin yenidən eyni sürətlə Azərbaycana axışacağı gün də uzaqda deyil”, - deputat deyib.

L.Slutski ölkələr arasındakı əməkdaşlığın ildən-ilə inkişaf etdiyini vurğulayıb: "Bu, təkcə neft-qaz sənayesini, sərhədyanı ticarəti yox, həm də yüksək texnologiyalar sferasını, kosmik və bir çox digər sahələri əhatə edir. Rusiya və Azərbaycan bütün cəbhələrdə ahəngdar, tarazlı və sürətlə inkişaf edən əməkdaşlığın nümunəsidir”, - deyə o, fikrini yekunlaşdırıb. (report.az)

XƏBƏR LENTİ

«    İyul 2020    »
B.eÇ.aÇC.aC.Ş.B
 12345
6789101112
13141516171819
20212223242526
2728293031