AKTUAL

"Əli Həsənovun vəzifədə olduğu dönəmdə..." - Rauf Arifoğlu

"Yeni Müsavat” qəzetinin baş redaktoru Rauf Arifoğlu yenisabah.az-a müsahibə verib. Gündəm mövzuları haqda görüşlərini ifadə edən baş redaktor mətbuatın mövcud problemləri və problemlərin həll olunması istiqamətində təkliflərini də səsləndirib. Diqqət çəkən məqam isə Rauf Arifoğlunun Prezidentin sabiq köməkçisi Əli Həsənov haqda verdiyi açıqlamadır.
 
Sfera.az Rauf Arifoğlunun birmənalı qarşılanmayan həmin fikirlərini olduğu kimi təqdim edir. 
 
- Əli Həsənovun və Vüqar Səfərlinin vəzifədən azad olunmasından sonra bu sektor üçün xarakterik olan çoxsaylı problemlər üzə çıxdı. Təcrübəli biri olduğunuz halda, uzun illər ərzində bu problemlər gözünüzdən necə qaçıb? 

- Bu problemlər gözümüzdən qaçmayıb. Gözümüzü çıxartmaqla təhdid edən problemləri görməmək mümkün deyil axı. Bu barədə Əli Həsənovla şəxsən söhbət eləyərkən də dəfələrlə demişəm, təkliflər irəli sürmüşəm. Əli Həsənovun vəzifədə olduğu dönəmdə ard-arda müsahibələr vermişəm, bu sahədə böyük problemin olduğunu dəfələrlə yazmışam. Onun xoşuna gəlməyib, iradlar edib. Amma belə bir fikir də deyirdi: "Mövcud informasiya siyasətini mən hazırlamamışam, sadəcə mənə hazır verilmiş bir siyasəti idarə edirəm"… Təbii ki, onun dediyi kimi deyildi, Əli Həsənov ölkədə medianın çərçivələrinin, azadlıqlarının daha da daralması üçün özünün ciddi töhfələrini vermis bir məmurdur. Lakin məsələ budur ki, Əli Həsənov vəzifəsindən gedib. İnformasiya sahəsi onun dövründə necə problemli və fəlakətli vəziyyətdə idisə, indi də elədir. Düşünürəm ki, tezliklə bu sahəni düzəltmək lazımdır. Dövlət bu sahəyə öz münasibətini müəyyənləşdirməlidir, çünki bu müəyyənləşməyib. Hesab edirəm ki, ümumilikdə mediaya, onun mövzularına, tənqid imkanlarına çərçivə qoyulmamalıdır. Özünüsenzura mühiti aradan qaldırılmalıdır. Tənqid "importnı mal" olmamalıdır, Azərbaycana xaricdən, ''mühacir mediasından'' xitab etməməlidir. Medianın istər maddi, istərsə də digər asılılıqları var. Reklam haqqında qanun dəyişdirilməlidir. Reklam və elanların bölgüsündə ədalət prinsipi həyata keçirilməlidir. Mətbuat Şurasının statusu müəyyənləşdirilməlidir, hətta dəyişməlidir… Bir sözlə, hakimiyyətdə baş verən inqilabi dəyişiklik mətbuat-media sektorunda da baş verməlidir.

 

Xatırladırıq ki, Əli Həsənov vəzifədən gedərkən Rauf Arifoğlu facebook statusu yazaraq ölkədə ağ inqilabın baş verdiyini qeyd etmişdi. Həmin statusu təqdim edirik:


XƏBƏR LENTİ

«    İyul 2020    »
B.eÇ.aÇC.aC.Ş.B
 12345
6789101112
13141516171819
20212223242526
2728293031